Check-Up гэж юу вэ?
Урьдчилан сэргийлэх үзлэг оношилгоо нь одоогоор ямар нэгэн шинж тэмдэг илрээгүй байгаа боловч ирээдүйд өвчин эмгэгт хүргэж болзошгүй асуудлуудыг урьдчилан илрүүлж, шаардлагатай урьдчилан сэргийлэх арга хэмжээг авахад чиглэгдсэн эрүүл мэндийн ерөнхий бөгөөд иж бүрэн илрүүлэг юм. Энэ нь ялангуяа амь насанд аюултай, эрсдэл өндөртэй өвчнүүдийг эрт үед нь оношлох, эмчлэхэд туйлын чухал үүрэг гүйцэтгэдэг.
Урьдчилан сэргийлэх оношилгоо амь насыг аврагч юм
Манай эмнэлгийн урьдчилан сэргийлэх оношилгооны хөтөлбөр нь таны эрүүл мэндийн байдлын талаарх хангалттай мэдээллийг өгөх бөгөөд доторын нарийн мэргэжлийн эмчийн хяналтан дор явагддаг. Бидний хийсэн урьдчилан сэргийлэх оношилгооны үр дүнд манай эмнэлэгт хандсан олон өвчтөнүүд эрт үедээ оношлогдон, амжилттай эмчлэгдэж, хэвийн амьдралдаа эргэн орох боломж бүрдсэн.
Урьдчилан сэргийлэх оношилгооны зорилго юу вэ?
Үүний гол зорилго нь хүний амьдралын чанарт шууд нөлөөлдөг зүрхний титэм судасны өвчин, хавдар, цусны даралт ихсэх (гипертензи), холестерин ихсэх, чихрийн шижин зэрэг эрсдэлт бүлгийн өвчнүүдийг болон бусад төрлийн эмгэгүүдийг эрт шатанд нь илрүүлж, шаардлагатай урьдчилан сэргийлэх арга хэмжээ, эмчилгээний аргуудыг цаг алдалгүй хэрэглэхэд оршино.
Урьдчилан сэргийлэх оношилгоо заавал хийлгэх шаардлагатай юу?
Урьдчилан сэргийлэх оношилгоонд хамрагдах нь хууль дүрмийн хувьд заавал биелүүлэх албагүй. Гэсэн хэдий ч хэрэв бидний эрүүл мэнд бидэнд үнэ цэнтэй бол өвдөхөөсөө өмнө урьдчилан сэргийлэх check-up хөтөлбөрүүдэд тогтмол хамрагдаж хэвших нь маш чухал юм.