Медипол их сургуулийн эмнэлэг нь Турк улсын хамгийн том эрүүл мэндийн цогцолбор эмнэлэг юм.
Медипол их сургуулийн эмнэлэг нь ерөнхий мэс засал, зүрх судасны мэс засал, онкологи, шүдний эмнэлгүүдийг нэгтгэсэн орчин үеийн ухаалаг барилгын технологи, дэвшилтэт эмнэлгийн тоног төхөөрөмжөөрөө олны анхаарлыг татдаг бөгөөд шинэ үеийн технологи бүхий Турк улсын шилдэг эмнэлгүүдийн нэг гэдгээрээ онцлогтой.
Олон улсын стандартад нийцсэн орчин үеийн эрүүл мэндийн цогцолбор
Медипол Их Сургуулийн эмнэлэг нь Турк улсад төдийгүй дэлхий дахинд Медипол Боловсрол, Эрүүл Мэндийн үйлчилгээгээрээ гайхагдаж JCI стандартын дагуу дэлхийн өнцөг булан бүрээс өвчтөнүүдийг тасралтгүй хүлээн авч байна. Медиполийн их сургуулийн эмнэлэг нь олон нийтийн амьдралын чанарыг сайжруулахын тулд урьдчилан сэргийлэх болон эмчлэх эрүүл мэндийн үйлчилгээндээ томоохон хөрөнгө оруулалтыг хийж алхам алхмаар ахиц үзүүлсээр байна.
Бүрэн тоноглогдсон орчин үеийн дэд бүтэц, эрчим хүчний хүчин чадал
Медипол их сургуулийн эмнэлэг нь 470 орны багтаамжтай, түүнээс 133 ор нь эрчимт эмчилгээний тасаг (ерөнхий, титэм судас, зүрх судасны, нярайн эрчимт эмчилгээ) бүгд ухаалаг систем, технологиор тоноглогдсон дэд бүтцээр үйлчилдэг. Туркийн эмнэлгүүдийн дотроос хамгийн олон тасагтай Медипол их сургуулийн эмнэлэг нь өвчтөнд төвлөрсөн дээд зэргийн үйлчилгээг үзүүлдэг. Мөн тус эмнэлэг нь 25 хагалгааны өрөөнд нэгэн зэрэг хагалгаа хийх боломжтой шинэ үеийн технологиор тоноглогдсон юм.
Орчин үеийн зохион байгуулалт бүхий эмнэлэг
Medipol Их Сургуулийн Цогцолбор Эмнэлэг нь ердийн эмнэлгийн бүтцээс хол илүү, эмчлүүлэгч болон тэдний ар гэрийнхнийг илүү тав тухтай байлгах үүднээс “Орчин үеийн зохион байгуулалтаар” дэлхийн хэмжээнд жишиг болж байна. Медиполийн их сургуулийн эмнэлэг нь 15 акр цэцэрлэгт хүрээлэн, 26 мянган м2 бүхий 5 давхар газар доорх авто зогсоол, 100 мянган ам метр битүү талбай, 3500 хүн ажиллах хүчин чадалтай.
Тав тухтай эмчлүүлэгчийн өрөө
Эмчлүүлэгчийн тав тух, тайван байдлыг нэн тэргүүнд тавьдаг Медиполийн их сургуулийн эмнэлэг нь тэдний ар гэрийнхнийг мөн адил тав тухтай орчинд хүлээн авдаг. Орчин үеийн тоног төхөөрөмжөөр тоноглогдсон зай талбай томтой, ногоон төгөл бүхий тагтай, люкс өрөө болон энгийн өрөөнүүд гэх мэт сонголттой нийт 470орны багтаамжтай. Өвчтөнүүд LCD дэлгэцээр тоноглогдсон өрөөнд мультимедиа үйлчилгээ (ТВ, DVD, интернэт) авах боломжтой. Өвчтөн болон тэдний ар гэрийнхэнд шаардлагатай орчин үеийн амьдралын бүхий л төрлийн тав тухыг хангахаас гадна өндөр чанартай хоолны үйлчилгээг үзүүлдэг.
Залбирлын өрөө
600 хүний багтаамжтай цэлгэр мөргөлийн өрөөг зохион бүтээхдээ дөрвөлжин хэлбэртэй орчныг бөмбөгөр бүрхэх гэсэн утгатай "Турк гурвалжин" аргыг архитектурын тусгай арга барилыг ашигласан. Өвчтөнүүд болон тэдний төрөл төрөгсөд энэхүү захиалгат хийцтэй, өргөн уудам залбирлын өрөөнд шашин шүтлэгээ тайван байдлаар биелүүлэх боломжтой.
Pol’n ресторан / 5 одтой
Их Сургуулийн Эмнэлэгт байрлах Pol’n ресторан нь орчин үеийн, загварлаг уур амьсгалыг мэдрүүлэхийн зэрэгцээ тусгай амтыг санал болгосон цэсээр зочдодоо үйлчилдэг Мэргэшсэн, туршлагатай хамт олонтой Турк болон олон улсын хоолны эрүүл, амттай сонголтуудыг санал болгодог Pol'in ресторан нь эмнэлгийн маш таатай, онцгой газар юм.
Нисдэг тэрэг газардах боломжтой эмнэлэг
Медиполийн их сургуулийн эмнэлэг нь бүх төрлийн жинтэй нисдэг тэрэг хүлээн авах боломжтой өвөрмөц бүтэц бүхий талбайтай бөгөөд энэ нь яаралтай үед өвчтөнийг дотоод болон гадаадаас түргэн шуурхай шилжүүлэх боломжоор хангадаг байна.
Хамгийн сүүлийн үеийн технологиор аюулгүй байдлыг хангах үйлчилгээ
Медиполийн их сургуулийн эмнэлэгт ажиллагсдын болон өвчтөний аюулгүй байдлыг хангах үүднээс 7/24 харуул хамгаалалтын үйлчилгээ байдаг. Медипол их сургуулийн эмнэлэг нь төвлөрсөн хамгаалалтын системийн өрөөтэй нийтийн эзэмшлийн бүх талбайд сүүлийн үеийн камеруудтай бөгөөд сайн бэлтгэгдсэн мэргэжилтнүүдийн баг хамт олон аюулгүй байдлыг хангах үйлчилгээг үзүүлдэг.
Медиполийн Их Сургуулийн эмнэлэг нь Pyxis cистемийг ашигладаг.
Медиполийн их сургуулийн эмнэлэгт дэлхийн зах зээлийн анхны бөгөөд хамгийн том "Эмийн менежментийн систем" болох Pyxis эмийн менежментийн системийг ашигладаг.
2004 оноос өнөөг хүртэл Турк улсад маш цөөхөн эмнэлгүүд Pyxis системийг байгуулсан бөгөөд тэдгээрийн нэг нь Медиполийн их сургуулийн эмнэлэг юм.
Pyxis систем нь эмийн сангаас өвчтөнд эм хүргэх хүртэл "Эмнэлгийн мэдээллийн удирдлагын систем"-тэй нэгдмэл байдлаар ажилласнаар бүрэн автоматжуулсан, аюулгүй байдлыг санал болгож байна . Олон улсын өвчтөний аюулгүй байдлын 5 үндсэн зарчим болох өвчтөнд зөв эмийг, зөв тунгаар, зөв цагт, зөв аргаар, зөв хүнд хэрэглэхийг автомат системээр хангадаг байна . Үүний зэрэгцээ хамгийн сүүлийн үеийн "Үйлчилгээний чанарын стандарт", ялангуяа Эрүүл мэндийн яамнаас гаргасан "Эмийн сангийн менежмент", "Бараа материалын менежмент" гэсэн шалгууруудын 50 орчим хувийг автоматаар хангаж, эмнэлгийн "Үйлчилгээний чанарын хүчин зүйл"-д хувь нэмэр оруулдаг.
Өвчтөний орны дэргэдэх онлайн төхөөрөмж
Орны дэргэдэх эрүүл мэндийн үйлчилгээг "флот" нэртэй зөөврийн төхөөрөмжөөр гүйцэтгэх боломжтой бөгөөд энэ нь Медиполийн их сургуулийн эмнэлгийн ажлын явцыг хурдасгаж, орон зайг үр ашигтайгаар ашигладаг. Өвчтөний бүх шинжилгээний үр дүнг харах боломжтой, бүх файлын мэдээлэлд флотын машинаар орны дэргэдэх баталгаажуулалт (баркод уншуулан) хялбархан хандах боломжтой.
Хязгааргүй дижитал архивын багц
Медиполийн их сургуулийн эмнэлэгт PACS системийг ашигласнаар цаасан дээрх эмнэлгийн холбогдолтой баримтуудыг хадгалах шаардлагагүй болсон
Өвчтөнд PACS системийн ашиг тус:
Бүх зургийг компьютерт хадгалдаг тул өмнөх үзлэгтэй харьцуулах замаар эрүүл мэндийн байдлыг дахин үнэлэх боломжтой.
Эмч нарт үзүүлэхэд өвчтөн зураг авч явах шаардлагагүй.
Зураг эмнэлэгт хадгалагддаг тул алдагдах нөхцөлгүй
Хүрээлэн буй орчны нөхцөл байдлаас шалтгаалан цаасан зураг цаг хугацаа өнгөрөхөд элэгдэж байдаг бол дижитал дүрс нь эхний өдрийнх шигээ олон жил хадгалагддаг.
Шаардлагатай тохиолдолд зургийг дотоод болон гадаадын эрүүл мэндийн байгууллагад шилжүүлж болно.
Хэрэв хүсвэл дижитал дүрсийг ямар ч компьютерт шалгаж болох CD-г өвчтөнд өгч болно.
Компьютерын удирдлагатай дамжуулалт
Пневматик хоолойн систем
Медиполийн их сургуулийн эмнэлэгт ашиглаж буй хийн хоолойн систем нь олон мянган эм, цус, дээж, төрөл бүрийн эмнэлгийн хэрэгсэл, рентген зураг, тайлан, бичиг баримтыг компьютерын удирдлагатай системээр хаягаас өөр хаяг руу, нэг давхраас нөгөө давхарт зөөвөрлөж байна. , нэг барилгаас нөгөө барилга руу болон материалыг түргэн шуурхай, аюулгүй тээвэрлэх боломжтой.
Медипол Их Сургуулийн эмнэлгийн статистик мэдээлэл
- 4 эмнэлгийн цогцолбор
- Нэгдсэн эмнэлэг
- Хавдар судлалын эмнэлэг
- Зүрх судасны мэс заслын эмнэлэг
- Шүдний эмнэлэг
- 810 орны багтаамжтай
- 215 ортой эрчимт эмчилгээний тасаг
- 45 Ерөнхий эрчимт эмчилгээ
- 9 Титэм судасны эрчимт эмчилгээ
- 23 эрчимт эмчилгээ
- 120 Нярайн эрчимт эмчилгээ
- 246 поликлиник
- 32 Мэс заслын өрөө