Та урьдчилан сэргийлэх эрүүл мэндийн үзлэгээсээ хамгийн үнэн зөв, бодит үр дүнг авахын тулд цаг захиалахаасаа өмнө үзлэгт бэлтгэх дараах мэдээлэлтэй уншиж танилцахыг зөвлөж байна.
- Үзлэг хийлгэхийн өмнөх шөнийн шөнө дундаас хойш ямар ч зүйл идэж болохгүй гэдгийг анхаарна уу.
- Цай, кофе, чихэртэй хийжүүлсэн ундаа болон усыг хэтрүүлэн хэрэглэхээс зайлсхийхийг хичээгээрэй. (Зайлшгүй шаардлагатай нөхцөлд ус уухыг зөвшөөрөх бөгөөд ингэхдээ 1 аягаас хэтрүүлж болохгүй.)
- Тамхи татах болон бүх төрлийн тамхины гаралтай бүтээгдэхүүн хэрэглэхээ зогсооно уу.
- Үзлэгийн цаг товлосон өдрөөс 3 хоногийн өмнөөс эхлэн согтууруулах ундаа хэрэглэхийг зогсооно.
- Өглөө өлөн элгээрээ заавал уух шаардлагатай эм тариагаа өөртөө авч ирээрэй.
- Үзлэг хийлгэх өдрийн өглөө ямар ч тохиолдолд өглөөний цай ууж болохгүй.
- Зүрхний ЭХО шинжилгээнд орохын өмнө биендээ ямар нэгэн тос, лосьон түрхэж болохгүй.
- Хэрэв таны үзлэгийн хөтөлбөрт зүрхэнд ачаалал өгөх сорил багтсан бол тохиромжтой хувцас (спортын хувцас, пүүз) өмсөж ирнэ үү.
- Үзлэгт орохдоо ямар нэгэн гоёл чимэглэл, хэрэгсэл зүүхгүй байхыг хүсэж байна.
- Үзлэгт орохын өмнө биеийн хүчний дасгал хөдөлгөөн болон бүх төрлийн хүнд ачаалалтай ажлуудаас зайлсхийгээрэй.
- Үзлэгийн багцад нь маммографи шинжилгээ багтсан үйлчлүүлэгчид ирэхийнхээ өмнө шүршүүрт орсон байх шаардлагатай бөгөөд биендээ тос, үнэртэй ус гэх мэт зүйлс түрхэхээс зайлсхийх хэрэгтэй. (Маммографийн шинжилгээг сарын тэмдгийн мөчлөгийн 7 дахь өдрөөс 10 дахь өдрийн хооронд хийдэг). Тиймээс үзлэгийн цагийг үүнтэй уялдуулан товлох хэрэгтэй.
- Сүүлийн 6 сарын хугацаанд хийлгэсэн аливаа шинжилгээ, оношилгооныхоо үр дүн, хариуг өөртөө авч ирнэ үү.
- Жирэмсэн болон жирэмсэн байх магадлалтай гэж бодож буй үйлчлүүлэгчид үзлэг эхлэхээс өмнө эмчдээ заавал мэдэгдэх ёстой.
Эмийн хэрэглээ болон үзлэгийн өмнөх журам
- Таны үзлэгийн үр дүн хамгийн үнэн зөв гарахад туслах үүднээс дараах эм бэлдмэлүүдийг үзлэг хийлгэх өдрөөс хамгийн багадаа 3 хоногийн өмнө уухаа зогсооно уу.
- Үзлэгийн цаг товлосон өдрөөс 5 хоногийн өмнөөс эхлэн витамины нэмэлт бүтээгдэхүүнүүдийг уухаа зогсооно.
- Эмчийн жоргүйгээр ургамлын гаралтай эмчилгээний бэлдмэлүүдийг хэрэглэж болохгүй.
- Үзлэгт орохын өмнө ямар ч төрлийн төмрийн бэлдмэл ууж болохгүй.
- Хэрэв таны үзлэгийн багцад "Өтгөн дэхь далд цус илрүүлэх шинжилгээ" (Fecal Occult Blood Test) багтсан бол үзлэгээс 5 хоногийн өмнө аспирин уухаа зогсооно. Хэрэв та аспириныг тогтмол уух шаардлагатай өвчин эмгэгтэй бол (титэм судасны өвчин, зүрхний хавхлагын эмгэг гэх мэт) үүнийгээ танд өгсөн мэдээллийн хуудас дээр заавал тэмдэглэж үлдээгээрэй.