MAGNETOM Vida

MAGNETOM Vida нь өвчтөн бүрд тохируулсан MRI шинжилгээ хийдэг, хурдан, дуу чимээ багатай, тав тухтай, өндөр чанартай дүрслэл гаргадаг дэвшилтэт технологийн төхөөрөмж юм. Амьсгалаа түгжих шаардлагагүйгээр зүрх болон хэвлийн хөндийн MRI шинжилгээ хийх боломжтой. Мөн өвчтөний биеийн өөх, булчин болон усны харьцаанд үндэслэн хамгийн тохиромжтой дүрслэлийн параметрүүдийг автоматаар тохируулдаг.

MAGNETOM Vida нь Turbo Suite технологийн тусламжтайгаар ердийн MRI төхөөрөмжтэй харьцуулахад шинжилгээний хугацааг 50 хүртэл хувиар богиносгодог. MRI шинжилгээний үед ихэвчлэн өндөр дуу чимээ гардаг бол MAGNETOM Vida нь маш нам гүм ажиллаж, өвчтөнд шинжилгээний явцыг илүү тайван, тав тухтай өнгөрүүлэх боломж олгодог.

Ердийн MRI төхөөрөмжийн хонгил харьцангуй нарийн байдаг бол MAGNETOM Vida төхөөрөмжийн өвчтөн хэвтэх хонгилын нээлхий 70 см өргөнтэй.

MAGNETOM Vida нь ердийн MRI төхөөрөмжтэй харьцуулахад дөрөв дахин их дохио хүлээн авах хүчин чадалтай. Энэхүү онцлог нь бүх биеийн MRI дүрслэлийг илүү нарийвчилсан, хамгийн өндөр чанартайгаар авах боломжийг бүрдүүлдэг.